महिना: १३ आश्विन २०७४, शुक्रबार १६:५५

आज मिति २०७४ साल असोज १३ गते शुक्रबारका दिन सम्माननीय राष्ट्रपति श्रीमती विद्यादेवी भण्डारीज्यूबाट मन्त्रिपरिषद्को सिफारिसमा  बडा दशैं, २०७४ को उपलक्ष्यमा कारागार नियमावली, २०२० को नियम २९ को उपनियम (१) र (२क), कारागार व्यवस्थापन कार्यविधि, २०७३  एवं सजाय माफी, मुल्तवी, परिवर्तन वा कम गर्ने सम्बन्धी कार्यविधि, २०७१ बमोजिम असल चालचलन भई कैदको सजाय छोट्याउन योग्य देखिएका ४५६ (चारसय छपन्न) जना कैदीहरुको भुक्तान हुन बाँकी कैदको सजाय नेपालको संविधानको धारा २७६ बमोजिम माफी भएको छ । (मोहनप्रसाद वाग्ले) प्रवक्ता

आज मिति २०७४ साल असोज १० गते मंगलबारका दिन  राष्ट्रपति भवन, शीतलनिवासमा सम्माननीय राष्ट्रपति  श्रीमती विद्यादेवी भण्डारीज्यूसमक्ष प्रस्तावित “कुमारी” श्री तृष्णा शाक्यले साक्षात्कार भेट गर्नुभयो । जिवित देवीका रुपमा परिचित र आसिन काठमाडौंका वर्तमान “कुमारी” उमेर हदका कारण प्रतिस्थापन गरी नव सुकन्यालाई काठमाडौंका “श्रीकुमारी” को रुपमा नियुक्ति, स्थापना एवं धार्मिक रुपमा वरण गर्न गुठी संस्थान सञ्चालक समितिको मिति २०७४/६/९ को बैठकको निर्णय भई प्रस्तावित कुमारीलाई सम्माननीय राष्ट्रपतिज्यूसमक्ष साक्षात्कारका निमित्त प्रस्तुत गरिएको थियो । उक्त भेटका अवसरमा गुठी संस्थानका अध्यक्ष, प्रशासक, कुमारी घरसँग सम्बन्धित व्यक्तिहरुको समेत उपस्थिति थियो । (कृष्ण मुरारी न्यौपाने) सहायक प्रवक्ता

आज मिति २०७४ साल असोज ४ गते बुधबारका दिन सम्माननीय राष्ट्रपति श्रीमती विद्यादेवी भण्डारीज्यू सडक दुर्घटनाबाट हुन गएको मानवीय क्षति सम्बन्धमा चिन्तित बन्‍नुभएको परिप्रेक्ष्यमा सडक दुर्घटना हुनुका कारण, असर र रोकथामको सन्दर्भमा कार्यालयबाट आयोजित कार्यक्रममा सरिक हुनुभयो । उक्त कार्यक्रममा सडक दुर्घटनाबाट भएको मानवीय क्षति न्यूनीकरण सम्बन्धमा भएका विषयहरुको जानकारी प्रस्तुत गरिएको थियो भने विद्यमान समस्या, प्राविधिक क्षमता, स्रोत साधन एवम् दक्षताबारे सहभागीहरुले आ-आफ्नो अवधारणा प्रस्तुत गर्नुभएको थियो । सो अवसरमा सम्माननीय राष्ट्रपतिज्यूबाट सबै सम्वद्ध पक्षहरुबीच समन्वय गरी पूर्वाधारको विकास, सचेतना र चालकमा उत्तरदायीपना विकास गरी दुर्घटना न्यून गराउन र मानवीय क्षति कम गर्ने गरी ठोस कदम चाल्न सुझाव दिनुभयो Read More …

सम्माननीय राष्ट्रपति श्रीमती विद्यादेवी भण्डारीज्यूले आज मिति २०७४ साल असोज ३ गते मंगलबारका दिन सम्माननीय प्रधानमन्त्री शेरबहादुर देउवाज्यू संयुक्त राष्ट्र संघको ७२औं महासभामा भाग लिने एवं मित्रराष्ट्र ओमानको औपचारिक भ्रमण गर्ने सिलसिलामा सम्वत् २०७४ साल असोज ३ गते मंगलबार संयुक्त राज्य अमेरिकाको न्यूयोर्कतर्फ प्रस्थान गर्नु हुने भएकोले प्रधानमन्त्रीको अनुपस्थितिमा प्रधानमन्त्रीले गर्ने दैनिक प्रशासनिक कार्य नेपालको संविधान बमोजिम प्रधानमन्त्रीको सिफारिसमा माननीय उपप्रधानमन्त्री एवं सङ्‌घीय मामिला तथा स्थानीय विकास मन्त्री विजयकुमार गच्छदारज्यूले सम्हाल्ने गरी तोक्नु भएको छ । (मोहनप्रसाद वाग्ले) प्रवक्ता