महिना: २७ फाल्गुन २०७३, शुक्रबार १५:२५

आज मिति २०७३ साल फागुन २६ गते बिहीबारका दिन राष्ट्रपति भवन शीतलनिवासमा आयोजित एक समारोहकाबीच सम्माननीय राष्ट्रपति श्रीमती विद्यादेवी भण्डारीज्यूसमक्ष नवनियुक्त माननीय उपप्रधानमन्त्री एवम् सङ्घीय मामिला तथा स्थानीय विकास मन्त्री श्री कमल थापाज्यू र माननीय संस्कृति, पर्यटन तथा नागरिक उड्डयन मन्त्री श्री दिलनाथ गिरीज्यूले नेपालको संविधानको धारा ८० बमोजिम पद तथा गोपनीयताको शपथ ग्रहण गर्नुभएको छ । उक्त समारोहमा सम्माननीय उपराष्ट्रपतिज्यू, सम्माननीय प्रधानमन्त्रीज्यू, माननीय उपप्रधानमन्त्रीज्यू, माननीय मन्त्रीज्यूहरु, माननीय सांसदज्यूहरु तथा नेपाल सरकारका उच्च पदस्थ अधिकारीहरु  समेतको उपस्थिति थियो । (कुल प्रसाद चुडाल) प्रवक्ता

आज मिति २०७३ साल फागुन २३ गते सोमबारका दिन  राष्ट्रपति भवन, शीतलनिवासमा सम्माननीय राष्ट्रपति  श्रीमती विद्यादेवी भण्डारीज्यूसमक्ष सार्कका नवनियुक्त महासचिव महामहिम Mr. Amjad Hussain B. Sial बाट शिष्टाचार भेट भयो । सो अवसरमा सार्क मुलुकको समग्र हितका विषयमा कुराकानी भएको थियो । (कुल प्रसाद चुडाल) प्रवक्ता

आज मिति २०७३ साल फागुन १९ गते बिहीबारका दिन  राष्ट्रपति भवन, शीतलनिवासमा सम्माननीय राष्ट्रपति  श्रीमती विद्यादेवी भण्डारीज्यूसमक्ष हाल नेपालको भ्रमणमा रहनुभएका भारतका वित्त मन्त्री महामहिम Mr. Arun Jaitley बाट शिष्टाचार भेट भयो । सो अवसरमा दुई देशबीचको सम्बन्धबारे कुराकानी भएको थियो । उक्त भेटका अवसरमा भारतका लागि नेपाली राजदूत दीप कुमार उपाध्यायको पनि उपस्थिति थियो । महामहिम मन्त्री Mr. Arun Jaitley नेपालमा चलिरहेको इन्भेष्टमेन्ट समिटमा भाग लिन आजै नेपाल आउनुभएको हो । (प्रल्हाद प्रसाद पुडासैनी) सहायक प्रवक्ता

आज मिति २०७३ साल फागुन १९ गते बिहीबारका दिन राष्ट्रपति भवन, शीतलनिवासमा आयोजित एक समारोहमा सम्माननीय राष्ट्रपति श्रीमती विद्यादेवी भण्डारीज्यूसमक्ष महान्यायाधिवक्ताको कार्यालयका माननीय महान्यायाधिवक्ता श्री रमन कुमार श्रेष्ठले नेपालको संविधानको धारा १५९ बमोजिम महान्यायाधिवक्ताको कार्यालयको आर्थिक वर्ष २०७२/०७३ को वार्षिक प्रतिवेदन पेश गर्नु भएको  छ । (कुल प्रसाद चुडाल) प्रवक्ता