आज मिति २०७६ साल भदौ १५ गते आइतबारका दिन राष्ट्रपतिको कार्यालय शीतलनिवासमा आयोजित एक समारोहकाबीच सम्माननीय राष्ट्रपति श्रीमती विद्यादेवी भण्डारीज्यूसमक्ष बंगलादेशका लागि नेपालको आवासीय राजदूत पदमा नियुक्त हुनुभएका डा. वंशीधर मिश्र र कतारका लागि नेपालको आवासीय राजदूत पदमा नियुक्त हुनुभएका डा. नारदनाथ भारद्वाजले राजदूत पदको, पद तथा गोपनीयताको शपथग्रहण गर्नुभएको छ । उक्त अवसरमा माननीय परराष्ट्रमन्त्री श्री प्रदीपकुमार ज्ञवालीज्यू लगायत नेपाल सरकारका उच्च पदस्थ अधिकारीहरुको समेत उपस्थिति रहेको थियो ।
(केशव प्रसाद घिमिरे)
२०७6 साल भदौ १५ गते आइतबार सहायक प्रवक्ता
