“मकर संक्रान्ति तथा माघी पर्व २०७४” को सुखद अवसरमा स्वदेश तथा विदेशमा रहनु भएका सम्पूर्ण नेपाली दिदीबहिनी तथा दाजुभाइहरुमा सुख, शान्ति र समृद्धिका लागि हार्दिक शुभकामना व्यक्त गर्दछु ।
नेपालमा हरेक जातजाति र क्षेत्रमा मनाइने चाडपर्वहरुको आ-आफ्नै राष्ट्रिय महत्व रहेको र यिनीहरुले नेपाललाइ विश्व सामु चिनाउन महत्वपूर्ण भूमिका खेलेका छन भन्ने मलाइ लागेको छ । यस्ता पर्वहरुले नेपालका विभिन्न जातजाति वीच एकआपसमा भाइचाराको सम्वन्ध वढाइ राष्ट्रिय एकता सुदृढ वनाउन मद्दत गर्नेछन भन्ने मैले विश्वास लिएको छु । हाम्रा चाडपर्वले हाम्रो भौगोलिक, धार्मिक, सांस्कृतिक, जातीय र भाषिक विविधतालाई आपसमा गाँसेर सामाजिक सद्भाव, राष्ट्रिय एकता र साझा नेपाली पहिचान, अनेकतामा एकता कायम गर्नमा महत्वपूर्ण योगदान गरेका छन् ।
अन्त्यमा, सिंगो नेपाली संस्कृति भित्रको एक महत्वपूर्ण चाडको रुपमा रहेको मकर संक्रान्ति/माघी पर्वले सबै नेपालीमा नयां उमङ्ग सहित हर्षोल्लास र शान्तिको सन्देश फैलाइ सबै नेपालीवीचको एकता, सद्भाव, मित्रता, मेलमिलाप र सहिष्णुतालाई अक्षुण्ण राख्न सकोस भन्ने कामना गर्दछु ।
धन्यवाद !
२०७४ माघ १ गते सोमबार